Vo Thaka Hua Meri Bahon Mein Zara So Gaya Tha To Kya Hua,
Abhi Main Ne Dekha Hai Chaand Bhi Kisi Shakh e Gul Pe Jhuka Hua,
Jise Le Gai Hai Abhi Hawa Vo Varaq Thaa Dil Ki Kitab Kaa,
Kahin Aansuon Se Mita Hua Kahin Aansuon Se Likha Hua,
Kai Mel Rait Ko Kat Kar Koi Mauj Phol Khila Gai,
Koi Pairr Pyals Se Mar Raha Hai Nadi Ke Pas Khara Hua,
Mujhe Hadson Ne Saja Saja Ke Boht Hasen Bana Diya,
Mera Dil Bhi Jaise Dulhan Ka Hath Ho Mehandiyon Se Racha Hua,
Vahi Khatt Ke Jis Pe Jagah Jagah Do Mehakte Honton Ke Chand The,
Kisi Bhole Bisre Se Taq Par Tah e Gard Hoga Daba Hua,
Vahi Shahar Hai Vahi Raste Vahi Ghar Hai Aur Vahi Lan Bhi,
Magar Us Dareche Se Pochhna Voh Darakht Anar Ka Kya Hua,
Mere Sath Jugnu Hai Hamsafar Magar Is Shahar Ki Bisat Kya,
Ye Charagh Koi Charagh Hai Na Jala Hua Na Bujha Hua...!
No comments:
Post a Comment